Омотот за песната Soldier of Love.
Вчера беше премиерата на новиот спот на легендарната пејачка Шаде за песната Soldier of Love. Песната е дел од истоимениот албум кој ќе се појави во продажба на 8 февруари оваа година.
Новиот албум е првиот официјален албум на Шаде по издавањето на „Lovers Rock“ во 2000 година.
Во спотот преовладува војнички стил на кореографија. Повеќето сцени се драматични и сигурно ќе измамат многу воздишки од верните обожаватели на 50-годишната пејачка. Оние кои добро ја паметат Шаде, поради огромните хитови „Smooth Operator“, „Love Is Stronger Than Pride“ и „No Ordinary love“, ќе забележат дека годините воопшто не оставиле трага на нејзиното лице и тело.
