Ќерката на прерано починатиот актер Пол Вокер веќе е убава млада дама, која чекори во светот на модата. Медоу Рејн Вокер е дел од модната агенција „Women Management“ од Њујорк.
18-годишната девојка има милионска мрежа од следбеници на социјалните мрежи, каде редовно добива комплименти за својот изглед. Не се малку корисниците кои коментираат дека таа многу наликува на татко си.
Во 2015 година, Медоу ја основаше Фондацијата „Пол Вокер“, која им дава стипендии и грантови на студенти и истражувачи кои се насочени кон истражување на океаните. „Татко ми им се одушевуваше на океаните и сакаше тие да бидат заштитени. Возбудливо е да знаеш дека стипендиите и студентите ќе помогнат да се осигури иднината на океаните“ – рекла таа.
Минатата година, Медоу доби отштета од 10,1 милион долари од семејството на пријателот на Пол, кој управуваше со автомобилот во кој и двајцата го загубија животот. Сообраќајната несреќа се случи на крајот на ноември 2013 година. Тогаш, Медоу имаше 15 години.
