Медоу Вокер се пробива во модниот свет. 22-годишната ќерка на прерано починатиот актер Пол Вокер дефилираше на ревијата на Живанши која се одржа во рамките на Париската модна недела.
Младата девојка го отвори модното шоу облечена во црни креации од познатата модна куќа.
Медоу за Вог изјавила дека учеството на ревијата на Живанши било остварување на нејзин сон.
„Ох Боже! Тоа беше остварување на сон. Многу сум благодарна што имав можност да работам со толку талентирани и извонредни личности. Ја лансиравме мојата кариера за време на глобална криза и загуба“ – рекла таа.
Пол Вокер почина во сообраќајна несреќа на крајот на ноември 2013 година. Тогаш, Медоу имаше 15 години.
Погледнете ја Медоу и во фотосесија за Proenza Schouler.
