Шарлиз Терон и Шон Пен го посетија романтичниот Париз по повод ревијата на Диор. Елегантниот пар од првиот ред го следеше презентирањето на новата колекција висока мода од реномираната француска модна куќа.
38-годишната актерка блескаше во едноставен краток фустан со златен отсјај од Кристијан Диор. Минималистичкиот накит и елегантната шминка го надополнија префинетиот и одмерен стил на Шарлиз.
Воопшто не е изненадување што Шарлиз е гостинка на ревијата на Диор. Имено, привлечната актерка веќе неколку години е заштитно лице на луксузниот моден бренд. Од друга страна, малкумина очекуваа да го видат Шон Пен на ревија на Диор, но очигледно 53-годишниот актер не прави компромиси кога треба да ја поддржи својата сакана.
Шарлиз и Шон ја обелоденија врската во јануари годинава, а оттогаш се неразделни.
