Раф Симонс покани многу славни дами на свеченото презентирање на својата нова колекција висока мода за Кристијан Диор. Џенифер Лоренс, Ема Вотсон, Шарлиз Терон, Оливија Палермо, Марион Котијар и Џанг Цији имаа можност да го проследат модното шоу од првите редови.
Сосема очекувано сите тие се појавија на настанот во креации од Диор.
Лоренс, Котијар и Палермо ја пронајдоа својата модна комбинација во колекцијата ресорт 2014 на француската модна куќа. Ема Вотсон носеше асиметрична креација со црно-бели точки, Џанг Цији со насмевка позираше во сив палто-фустан, додека Терон блескаше во сјаен мини фустан.
Раф Симонс со Џанг, Марион и Шарлиз
Ревијата на Диор го збогати вториот ден од Париската недела на високата мода. Во наредните неколку денови ќе бидат презентирани и новите колекции на брендови како Шанел, Армани, Валентино и Ели Сааб.
