Најдобриот тенисер во светот повторно го покажа своето хумано срце. Новак Ѓоковиќ и неговата девојка Јелена Ристиќ организираа хуманитарна гала вечера во Њујорк.
Привлекувајќи познати актери, манекенки, бизнисмени и филантропи, славниот пар успеа да собере вкупно 2,5 милиони долари, средства кои ќе заминат во Фондацијата Новак Ѓоковиќ, а потоа ќе потпомагаат различни програми кои се фокусираат на подобар живот и образование на мали деца во Србија кои поради какви било околности не добиле можност за здраво и нормално детство.
Новак и Јелена
Наоми Кембел, Адријана Лима, Голди Хоун, Кејт Хадсон, Дона Каран, Томи Хилфигер и Ана Винтур беа само дел од славните лица кои го поддржаа хуманитарниот настан.
Адријана Лима
Кера Сантана и Џеси Меткалф
Ана Винтур и Дона Каран
Адријана и Кендис
Јелена, Новак и Наоми
„Нашата мисија е да им дадеме поддршка, поткрепа и ресурси на младите деца за тие да можат да ги остварат и негуваат своите соништа“ – изјавил Новак.
Гостите преку аукција можеа да присвојат најразлични нешта, како на пример да снимат фотосесија со врвниот фотограф Патрик Демаршелие за која стилистка ќе биде самата Ана Винтур, главната уредничка на „Вог“.
