Сара Џесика Паркер му дозволи на американскиот „Вог“ да ѕирне во нејзиниот приватен живот.
46-годишната актерка позираше за „Вог“ заедно со нејзиното семејство и даде неколку отворени одговори на прашања поврзани со нејзината кариера, личниот живот и модата.
Метју, Сара и нивните три деца
Паркер, позната по нејзината улога во серијата „Сексот и градот“, со став и грациозност блеска на фотографиите покрај својот сопруг Метју Бродерик, 8-годишниот син Џејмс Вилки и 2-годишните близначиња Табита и Марион Лорета, кои се родени од сурогат-мајка.
Динамичната Паркер во интервју за списанието го опиша текот својот живот со зборовите „како брод којшто избегнува санти мраз“ и призна дека нејзиниот живот воопшто не наликува на животот на Кери Бредшо. Еве уште неколку интересни моменти од интервјуто.
Сара Џесика Паркер со Џејми
За поврзаноста со ликот на Кери Бредшо: „Животот на Бредшо нема никаква врска со мојот. Обожавав да ја играм таа улога, таа го промени мојот живот на многу убав начин, но јас не сум дама луда по чевли, не мислам на модата по цел ден, иако имам голема почит кон таа индустрија.“
Сара Џесика Паркер со Метју Бродерик
За својата улога како родител: Паркер користи стратешко планирање и навечер додека лежи в кревет размислува: „Што треба да направам, како да ги однесам децата од А до В, што е потребно да направам за мојата работа. И на сето тоа додавам некоја средба со пријатели... Она што најмногу ме чуди е колку многу правиме во текот на еден ден. Немаме послуга којашто живее со нас. Ние сме родители со полни раце работа. Тоа е нешто што нам ни е многу важно и не го избегнуваме. Што е поентата да имаш семејство ако навистина не учествуваш во него?“
Сара со нејзините две близначиња
Сара со Џејми и негови другари
За папараците: „Го следат секој мој чекор додека не се вратам дома.“
За годините и кариерата: „Мислев дека ова е возраста којашто треба да ме загрижува. Во последните 5-6 години размислував: Ох, ова е возраста за која слушав, ова е лошата возраст кога работата ќе започне да се намалува. Претпоставував дека во оваа фаза од мојот живот ќе бидам фрустрирана, оставена назад или маргинализирана, играјќи улоги што не ги сакам. Но, толку сум зафатена и сè уште не гледам таков период. Не велам дека не доаѓа и дека нема да ме удри како тон цигли, но пронаоѓам работа која ми е возбудлива.“
