Ријана повторно го промени својот изглед преку нова боја на косата. 24-годишната пејачка на Twitter објави фотографии од својата нова црна рок фризура.
На фотографиите кои го имаат описот „Cuz I'm black b***h“, Ријана во различни пози ја покажува црната коса која над левата слепоочница ѝ е потстрижана многу кратко.
Откако еден од нејзините фанови прокоментира дека новата фризура наликува на фризура на Рири од пред неколку години, таа му возврати: „Ми недостигаше таа, но не сум подготвена да ја истрижам“. Заедно со тој коментар Ријана објави и фотографија од времето кога имаше кратка коса.
Само два дена претходно Ријана имаше објавено фотографии на кои има руса коса. Во моментов таа е во Јапонија за премиерата на нејзиниот прв филм „Battleship“, па фотографиите се направени во нејзината хотелска соба со прекрасен поглед на Токио.
