Шоуто на Victoria’s Secret е спектакл кој не се пропушта и привлекува неколку милионска публика. Годинава жешката ревија ќе биде премиерно емитувана на ТВ на 8 декември, а освен сексапилни дефилирања од ангелите, ќе вклучува и настапи од три музички ѕвезди.
Ријана, Селена Гомез и The Weeknd биле ангажирани да ги забавуваат манекенките и гледачите на новото шоу.
Ова е прва соработка на VS со Селена Гомез и The Weeknd. Ријана беше специјална гостинка на ревијата на популарниот бренд во 2012 година.
Покрај Адријана Лима, Алесандра Амбросио, Кендис Сванапул, Лили Олдриџ и Беати Принсло, на ревијата ќе ги видиме и 10-те нови ангели Тејлор Хил, Стела Максвел, Роми Страјд, Сара Сампајо, Моника Џак Јагачак, Џасмин Тукс, Лаис Рибеиро, Марта Хант, Екатерина Григориева и Елза Хоск.
