Нов албум, нов имиџ. Ријана пред неколку дена го започна снимањето на спотот за „You Da One“ и на објавените фотографии може да се види дека 23-годишната пејачка има нова кратка руса фризура.
Ријана на снимањето на спотот за „You Da One“
За време на викендот, Ријана настапи во О2 арената во Лондон повторно појавувајќи се со права боб фризура со шишки, но сепак не се знае точно дали се работи за перика или едноставно Рири реши да ги остави зад себе кафеавите прамени.
Ријана во О2 арената
Во меѓувреме и нејзината добра пријателка Кети Пери исто така направи промена во стилот. Кети се појави во Лос Анџелес заедно со својот сопруг, Расел Бренд, со нова русо-розова боб фризура.
Добро е познато дека и двете пејачки не се срамат да експериментираат со бојата на косата. Што мислите: добар или лош избор?
