Марго Роби е „новата филмска божица на Австралија“ според „Vanity Fair“. Популарното списание не штедеше убави зборови за атрактивната русокоса која глумеше рамо до рамо со Леонардо Дикаприо во хитот „The Wolf of Wall Street“.
24-годишната актерка сними фотосесија со Мигел Ревериего инспирирана од стилската икона Мерилин Монро.
Иако мажите ја сметаат за една од најпривлечните жени на светот, таа покажува скромност кога го дискутира својот надворешен изглед. „Во мојата голема група пријателки, јас дефинитивно не сум најзгодната. Додека растев не се чувствував особено привлечно. Треба да видите како изгледав на 14 години, со протези и очила. Ако изгледав добро во Wolf of Wall Street, тоа не е само до мене, тоа е и поради надградбата на косата и шминката“ – рекла таа.
Во моментов Марго го снима новиот филм „Tarzan“, во кој ја доби улогата на Џејн.
