Барби манијата продолжува. Марго Роби повторно влезе во улогата на Барби, но овојпат не за филмска улога, туку за нова фотосесија за „Вог“.
32-годишната актерка изгледаше совршено во креации од познати модни куќи како Versace, Chanel, Valentino, Saint Laurent и Proenza Schouler.
Во интервјуто, Марго открива дека како мала не била обожавателка на Барби и никогаш немала своја барбика. Таа сега ја глуми најпознатата кукла во новиот филм „Barbie“ режиран од Грета Гервиг.
„Барби може да стави костум и е адвокатка. Може да стави вселенски костим и е астронаут. Таа може да прави толку многу нешта и го правеше тоа во време кога жените не можеа да имаат ни своја банкарска сметка. И таа поседуваше автомобил и куќа, имаше сладок дечко кој ѝ беше како аксесоар.“
„Отсекогаш се креваше голема 'врева' за Барби. Таа беше првата женска кукла со која си играа девојчињата. И претпоставувам дека луѓето си мислеа дека тие замислуваат дека ќе станат жени, но сметам дека тоа не е сè што си замислуваа. Тие замислуваа дека ќе имаат своја куќа, свој автомобил, кариера. Мораш да веруваш дека тоа имаше некакво влијание“ – изјави Роби.
