Тимот на „Медена земја“ (Honeyland) во гламурозно издание ќе зачекори на црвениот тепих на Оскар 2020.
На фотографијата, во центарот е хероината Атиџе Муратова, а покрај неа се режисерите Тамара Котевска и Љубо Стефанов, кинематограферите Фејми Даут и Самир Љума, продуцентот и монтажер Атанас Георгиев, Рана Еид и Благоја Неделковски.
Тања Кокев ги потпишува креациите.
Документарниот филм за последната одгледувачка на диви пчели во Европа е номиниран во две категории – Најдобар документарец и Најдобар интернационален филм. Со тоа испиша македонска и филмска историја.
Имено, ова е прв македонски филм со две номинации и прв документарен филм во историјата кој е номиниран во две категории за Оскар.
