Марго Роби, Бред Пит и Леонардо Дикаприо моментално се фокусирани на промоција на нивниот заеднички филмски проект „Once Upon a Time In Hollywood“.
Холивудските ѕвезди позираа заедно на синоќешната премиера на филмот режиран од Квентин Тарантино.
На црвениот тепих убавата актерка шармираше во бела креација од Шанел.
И Тарантино позираше со своите соработници.
Филмот го следи периодот кога се случуваат убиствата од страна на „семејството Менсон“. Леонардо влегува во улогата на неуспешен актер од вестерн ТВ-серија, кој заедно со својот дублер (Бред Пит) се обидува да се пробие во филмската индустрија. Марго Роби влегува во улога на актерката Шарон Тејт, која беше жртва на семејството Менсон.
