Популарноста на Ријана на друштвената мрежа Facebook непрекинато расте со брзо темпо. 23-годишната пејачка ја победи Лејди Гага и стана најлајкуваната жена на Facebook.
Ријана/ Лејди Гага
Во моментов, Гага има 40 554 176 обожаватели, а Ријана 40 581 865. Разликата не е голема и може брзо да се стопи, особено затоа што „малите чудовишта“ на Гага веќе имаат кампања на Twitter за да ѝ го вратат водството на „мајката чудовиште“.
Лејди Гага беше првата личност којашто успеа да собере 10 милиони фанови. Од друга страна, Ријана пред една година имаше само 5000 обожаватели на својата Facebook страница.
И понатаму најпопуларната личност на Facebook останува Еминем, кој досега има импресивни 43 289 483 обожаватели.
