Популарната водителка Опра Винфри планира да стави крај на своето шоу, кое во просек допира до 7.1 милиони гледачи дневно. По 25-годишно успешно емитување, „Шоуто на Опра Винфри“ ќе биде прекинато во 2011г.
„Последната емисија ќе биде на 9 септември 2011г.“ – изјави портпаролот на Винфри.
Претставници на CBS телевизијата, која стои зад шоуто, изразија надеж да ја продолжат соработката со Опра.
„Ние имаме огромна почит кон Опра и ѝ посакуваме сè најдобро за во иднина. Знаеме дека сè што таа ќе допре, ќе доживее вистински успех. Искрено се надеваме дека ќе соработуваме со неа во наредните неколку години и многу потоа.“
Но, ова не значи дека 55-годишната Опра ќе се пензионира. Таа планира да создаде ново ток-шоу, кое би требало да се прикажува од 2011г. на телевизиската станица „Опра Винфри Нетворк„.
