Викторија Бекам имаше голем тим кој ја бодреше на ревијата во Лондон. Популарната дизајнерка ја доби поддршката од сопругот Дејвид и нивните четири деца, кои седеа во првиот ред на модното шоу.
19-годишниот Бруклин Бекам беше придружуван од неговата девојка Хана Крос, а веднаш до нив седеа Ромео и Круз.
Малата Харпер, која беше неразделна од Дејвид, ја покажа слатката боб фризура со шишки. Со оглед на тоа што девојчето седеше непосредно до Ана Винтур, очекувани беа „споредбите“, кои ги започна самиот Дејвид.
На ревијата присуствуваа сестрата на Викторија и нивните родители, како и трендсетерката Оливија Палермо.
After show #VictoriaBeckham #DavidBeckham #BrooklynBeckham #RomeoBeckham #CruzBeckham #HarperBeckham pic.twitter.com/jiGsaUUy9L
— Victoria Beckham FR (@VictoriaBFrance) February 17, 2019
По големото шоу, семејството прослави со ручек во британската метропола.
