Нејмар и Бруна Бјанкарди пред неколку дена го добија првото заедничко дете.
Парот сподели фотографии на кои позира со новородената ќеркичка која го доби името Мави и напиша дека сега нивните животи се комплетни.
„Нашата Мави пристигна за да ни ги комплетира животите. Добредојде, ќерко! Ти веќе си многу сакана од нас... ти благодариме што нè избра нас“ – напишаа тие.
Бруна сподели и фотографии од породувањето.
Мави е второ дете на славниот фудбалер, кој веќе има еден син од претходна врска.
Нејмар и Бруна се смета дека започнаа да се состануваат во 2021 година, но јавно ја објавија врската во јануари 2022 година.
Изминатото лето, Нејмар беше мета на многу критики откако јавно призна дека ја изневери Бруна додека таа беше бремена. Тој ѝ се извини во пост на Instagram.
„Видов колку многу си експонирана, колку страдаше поради ова и колку многу сакаш да бидеш покрај мене. Стојам покрај тебе. Згрешив многу. Ризикувам кога велам дека грешам секој ден, на теренот и надвор од него. Само што грешките ги поправам во мојот личен живот дома. Но, сето оваа погоди една од најспецијалните личности во мојот живот... Мајката на моето дете. Ако една приватна работа стана јавна, тогаш извинувањето мора да е јавно. Не можам да се замислам без тебе... Нашата љубов кон бебето ќе победи, нашата меѓусебна љубов ќе нè направи посилни. Те сакам“ – напиша тој.
Неколку месеци по јавното извинување, тој повторно беше снимен како се забавува со други жени, по што Бруна напиша:
„Добар ден, свесна сум што се случи и уште еднаш сум разочарана, но во последната фаза од мојата бременост, мојот фокус и грижи се насочени кон мојата ќерка и таа е сè на што ќе мислам во моментов. Ви благодарам на сите за пораките полни љубов“.
