Синоќа се одржа доделувањето на Британските музички награди. Емели Санде ја прими наградата за Најдобра британска пејачка, додека Бен Хауард беше прогласен за Најдобар британски пејач.
„Ова е сон, навистина“ – рече Санде при примањето на наградата.
Емели Санде
Американските пејачи Френк Оушн и Лана Дел Реј ги добија наградите за Најдобар интернационален пејач и Најдобра интернационална пејачка.
На свечената манифестација одржана во О2 арената, Mumford & Sons беа прогласени за Најдобра британска група, додека The Black Keys за Најдобра интернационална група.
Mumford & Sons
Гласовитата Адел ја доби наградата за Најдобар британски сингл за „Skyfall“, но не беше присутна за лично да ја прими статуетката бидејќи ги прави последните подготовки за настапот на Оскарите.
Џастин Тимберлејк, One Direction, Muse и Тејлор Свифт беа меѓу ѕвездите одговорни за забавниот дел на манифестацијата.
На црвениот тепих немаше многу пријатни изненадувања. Тејлор Свифт привлече најголемо внимание со долг црн фустан од Ели Сааб.
