Аријана Гранде не можеше да си ја сокрие тагата и испрати емотивна порака на Twitter со сочувство за жртвите во терористичкиот напад кој синоќа се случи непосредно по завршувањето на нејзиниот концерт во Манчестер арената во Манчестер.
Досега е познато дека 22 лица, меѓу кои и деца, го загубија животот, а 59 се повредени откако бомбаш-самоубиец детонирал експлозивна направа во фоајето.
23-годишната пејачка ги одложи останатите концерти од својата европска турнеја и на Twitter напиша: „Скршена сум. Од дното на моето срце, многу, многу ми е жал. Немам зборови“.
broken.
— Ariana Grande (@ArianaGrande) May 23, 2017
from the bottom of my heart, i am so so sorry. i don't have words.
Менаџерот пак на музичката ѕвезда објави Instagram порака во која се вели: „Вечерва, срцата ни се скршени. Зборовите не можат да ја опишат нашата тага за жртвите и семејствата засегнати од овој бесмислен напад. Тагуваме за животите на децата и саканите лица кои беа одземени со овој кукавички чин. Ве молиме да ги чувате жртвите, нивните семејства и сите засегнати во вашите срца и во вашите молитви“.
