Линдзи Лохан не престанува да ги полни насловните страници на списанијата. Без разлика дали тоа е со нејзиното неконтролирано однесување, зависноста од лекови или телефонските разговори на нејзините родители, Линдзи е омилената актерка на папараците.
Само пред неколку дена беше објавен телефонски разговор помеѓу родителите на Линдзи, во кој меѓу другото мајка ѝ Дина признава дека Линдзи му била повеќе од пријателка на Хит Леџер во периодот пред неговата смрт.
А сега, новите изјави на блиски на Лохан потврдуваат дека младата проблематична актерка е затрескана во Леонардо ДиКаприо.
„Линдзи е многу затрескана во Лео, но тие се само пријатели. Таа е подготвена да бидат повеќе од пријатели, но тој не ја гледа неа на таков начин.“ – изјавил близок на Лохан.
Наводно популарната актерка, која скоро се раздели со својата девојка Саманта Ронсон, признала дека Леонардо е совршен маж, но се плашела дека тој не ја сфаќа сериозно.
