Бијонсе ја понесе со себе својата мала ќерка на доделувањето на видео музичките награди на MTV. 34-годишната пејачка и слатката Блу Ајви во впечатливи креации го привлекуваа вниманието на присутните на манифестацијата.
Дизајнерот Франческо Скоњамило ја креираше блескавата креација на Бијонсе, која доминираше на доделувањето на наградите. Својот стилски избор, познатата музичарка го надополни со накит од Лорејн Шварц.
Слатката Блу Ајви изгледаше како мала принцеза во фустанче со волуменозен тул од брендот Mischka Aoki.
Славната сопруга на Џеј Зи се пресоблече уште два пати за да ги подигне своите награди. Таа се закити со осум награди на манифестацијата. Од вкупно шест номинации за спотот за „Formation“, таа победи во категориите Видео на годината, Најдобро поп видео, Најдобра кинематографија и Најдобро едитирање.
