„Gossip Girl“ наесен ќе се врати со уште едно познато лице во својата екипа. Англиската актерка Елизабет Харли ќе го растресе животот на главните херои во серијата, а дури и ќе повлијае на самата „Gossip Girl“.
46-годишната актерка ќе влезе во улогата на моќен медиумски могул, портретиран преку ликот на Дајана Пејн.
„Влегувањето на Дајана во Upper East Side ќе ги промени животите на сите наши ликови – вклучително и особено на самата „Gossip Girl““ – изјавиле продуцентите на серијата.
„Чувството за хумор, интелигенцијата и убавината на Елизабет се вклопуваат совршено во светот на „Gossip Girl“. Се чувствуваме среќни што ќе соработуваме со неа“ – додале тие.
Уште се знае и дека француската актерка Роксен Мескида ќе биде сестрата на принцот на Блер, којашто ќе се обиде да ја уништи кралската свадба на амбициозната г-ца Волдорф.
Како што беше најавено претходно, Тејлор Момсен и Џесика Зор веќе нема да бидат дел од популарната серија.
