„Златна Бубамара на популарноста“ по 21. пат ги собра македонските јавни личности на едно место и им подари музички спектакл и им измами широки насмевки.
За време на 4-часовната забавна манифестација беа доделени 23 награди за најуспешните за изминатата година.
Во областа на музиката, Маја Оџаклиевска ја прими Наградата за трајни музички вредности и ја одушеви публиката со својата изведба.
Во рацете на Дадо Топиќ заврши наградата за Животно дело.
Дани за „Град за љубов“ ја доби наградата Албум на годината, Нови фосили се закитија со Награда за трајни музички вредности, за Меморија беше резервирана наградата Концерт на годината, Марко Маринковиќ – Слаткар ги прими наградите Интернационален успех и Музички видеоспот на годината за „Терориста, а Агушеви станаа Најпопуларен плех оркестар.
Дубиоза Колектив беа прогласени за Најпопуларна балканска група, а Тијана ја освои наградата Мултимедијален уметник. Награда за животно дело доби и Октет Македонија.
„Исцелител“ е Филм на годината, Нина Деан стана Актерка на годината, Александар Микиќ беше прогласен за Актер на годината, додека Благој Веселинов ја придоби наградата Актерско откритие на годината.
РК Вардар беше избран за Најпопуларен спортски клуб, а Мама Миа за Мјузикл на годината. На церемонијата беше одбележан и 40-годишниот јубилеј на Стоби Флипс на Витаминка.
Погледнете го целосниот список на наградени:
