Доделени наградите „Златен глобус 2012“

Синоќа во Беверли Хилс беа прогласени добитниците на наградите „Златен глобус“. На 69-тата по ред свечена манифестација, предводена од Рики Џервис, беа удостоени најдобрите во филмската и телевизиската индустрија.

Наградата Најдобра драма ја освои филмот „The Descendants“, додека филмот „The Artist“ ја доби наградата за Најдобар мјузикл/комедија.

Џорџ Клуни за улогата во „The Descendants“ беше прогласен за Најдобар актер во категоријата драма, а Мерил Стрип ја зеде наградата за Најдобра актерка во истата категорија за филмот „The Iron Lady“.

Џорџ Клуни

Мишел Вилијамс со задоволство ја прими наградата за Најдобра актерка во комедија/мјузикл, а во истата категорија за Најдобар актер беше прогласен Жан Дижарден.

Мартин Скорсезе ја доби наградата Најдобар режисер за неговото филмско дело „Hugo“.За Најдобар анимиран филм беше прогласен „The Adventures of Tintin: The Secret of the Unicorn“.

Песната на Мадона „Masterpiece“ од филмот „W.E.“ ја доби наградата за Најдобра оригинална песна.

„Modern Family“ доби признание за Најдобра ТВ комедија/мјузикл, а за Најдобра ТВ драма беше прогласена „Homeland“.

Екипата на „Modern Family“