Во природно издание: Погледнете како изгледаат дел од учесничките на „Мис Универзум 2019“ без шминка

Секоја година, учесничките на „Мис Универзум“ го привлекуваат вниманието на светот со својата убавина и совршениот изглед од глава до пети.

Сепак, надвор од натпреварите за убавина, дел од убавиците не се плашат да го покажат својот природен изглед. Погледнете како изгледаат 15 од кандидатките за титулата „Мис Универзум 2019“ без шминка.

Мис Порторико (Прва придружничка)

Мис Порторико отворено зборува за своите пеги, кои во минатото ги мразела. „Во минатото си ги мразев пегите, мислам навистина ги МРАЗЕВ. Се сеќавам кога имав околу 8 години, ја прашав мајка ми дали некако можам да ги отстранам, а таа ми рече: ‘Тие не се пеги Меди. Тие се бакнежи од ангелите. Зошто би сакала да ги избришеш нивните бакнежи?’. Оттогаш, ги сакам моите пеги. До денешен ден сакам да верувам дека тоа е вистина“ – вели таа.