Вчера беше промовиран новиот спот на Шакира за песната „Waka Waka (This Time for Africa)“.
Веселата „Waka Waka“ е прифатена за официјална песна на претстојното Светско првенство во фудбал, кое за неколку дена ќе започне во Јужна Африка.
Шакира веќе е во Јужна Африка каде четврток вечерта ќе настапи на концертот по повод започнувањето на првенството.
Зборувајќи за нејзината одлука да ја пее официјалната песна, Шакира изјавила: „Светското првенство во фудбал е чудо на глобалната возбуда, поврзувајќи ја секоја држава, раса, религија со една страст. Тоа претставува настан којшто има моќ да обедини и интегрира, а токму за тоа е и песната. Песната е синтеза на страста за фудбалот и она што го побудува кај луѓето“.
