Сандра Булок се отвори за посвојувањето на двете деца.
Во видеото, холивудската ѕвезда открива дека приоритет во животот ѝ се децата и дека прави сè за да се грижи за нив најдобро што може.
Видео од интервјуто
„Приоритет ми се децата. Сè е за тие да бидат добро, да одат на школо, да имаат сè што им треба, нивните моменти. Морам да бидам покрај нив во секој момент. Потешко ми е мене да ги оставам, отколку што сметам дека им е ним кога заминувам. Не заминувам толку многу и веќе не работам толку многу. Па, приоритет ми се децата, децата, децата. Моето семејство. Тоа е тоа“ – вели Сандра.
Булок и нејзиниот поранешен сопруг Џеси Џејмс заедно го започнале процесот за посвојување на првото дете во 2006 година, но се разделија.
Четири години по поднесувањето на документи, актерката го доби своето малечко чудо и го заврши посвојувањето на Луи како самохрана мајка.
„Постојано ми кажуваа: 'Совршеното дете ќе те најде, ти ќе го најдеш твоето дете' и кога ќе се случи тоа, сфаќаш точно за што ти зборуваа“ – вели Булок, која стана мајка на 45 години.
Филмската ѕвезда ја посвои ќерката Лајла во 2015 година, кога девојчето имаше три години. Идејата за посвојување на второ дете ѝ се јавила кога нејзиниот син Луи за време на вечера рекол дека наскоро ќе имаат бебенце.
Приказната на Булок инспирирала многумина да го прошират семејството со посвојување, вклучувајќи ја и водителката Хода, која ја интервјуираше. Хода на 52-годишна возраст посвои девојче.
„Има стотици илјади деца кои се подготвени да бидат твое дете. Ти си засекогаш родител од минутата кога ќе ја прифатиш љубовта на тоа дете“ – изјави Сандра.
Булок моментално е во врска со Брајан Рендал.
