Адријана Лима и Марко Јариќ се разделуваат по пет години брачен живот. Познатиот пар ја објави разделбата преку соопштение објавено од „People“.
„По долго и внимателно размислување, одлучивме да се разделиме по пет години брак. Благодарни сме што сме родители на две неверојатни млади ќерки кои ќе продолжиме да ги растеме заеднички. Многу би ни значело да ја почитувате приватноста на нашето семејство додека го започнуваме ова деликатно поглавје за сите членови на семејството“ – се вели во соопштението на парот.
Бразилската убавица се запозна со кошаркарот Јариќ во 2006 година, а две години подоцна се свршија на 27-миот роденден на славната манекенка. Парот стапи во брак на романтична приватна церемонија на Св. Валентин во 2009 година, а во ноември истата година Лима ја роди нивната прва ќерка, Валентина. Во септември 2012 година тие ја добија и втората ќерка, Сиена.
Адријана, Марко и малата Валентина во 2010 година
