Омотот за „The Beginning“
Black Eyed Peas го објавија водечкиот сингл од нивниот најнов албум „The Beginning“. Популарната група го употреби како основа мега хитот „(I've Had) The Time of My Life“, го забрза темпото и ја создаде песната „The Time (The Dirty Bit)“.
Тешко е да се предвиди дали Black Eyed Peas и овој пат имаат голем хит во рацете, затоа што многу луѓе ја ценат баладата од филмот „Dirty Dancing“ и можеби ќе им биде тешко да се навикнат на модернизираниот звук на зборовите „I've had the time of my life/ And I never felt this way before/ And I swear this is true/ And I owe it all to you“.
Новиот албум на Black Eyed Peas ќе биде пуштен во продажба на 30 ноември.
