Тина Ноулс се отвори за здравствените проблеми со кои се соочуваше изминатиот период.
71-годишната мајка на Бијонсе сподели дека се борела со рак на дојка и дека минала низ операција за отстранување на туморот. Таа сега е во добра здравствена состојба и е среќна што оваа подмолна болест ѝ била откриена навреме.
„Сега сум добро. Немам рак и се чувствувам благословена што Бог ми помогна да го најдам толку рано“ – изјавила таа.
Тина вели дека го пропуштила прегледот со мамограф поради пандемијата со Ковид-19. „Заборавив дека не отидов да се тестирам две години пред да ми го откријат туморот, затоа што се појави Ковид и ми го откажаа прегледот. Ми рекоа дека ќе се јават кога ќе започнат со нови тестирања. И во мојата глава ми остана дека веќе го направив тестот“ – вели таа.
Ноулс апелира до жените да се прегледуваат навремено, бидејќи доколку не го пропуштела прегледот ќе го откриела ракот во 0 стадиум, а не во први. „Не знаев дека постои 0 стадиум. Можев да ја фатам болеста во 0 стадиум ако не го пропуштев мамограмот, но го пропуштив поради Ковид“ – дополнува таа во интервју за People.
Тина е мајка на Бијонсе и Соланж Ноулс. И таткото на Бијонсе и Соланж се бореше со рак на дојка во прв стадиум. Тој го носи генот BRCA2, кој го зголемува ризикот од појава на овој тип на рак.
