Џастин Бибер доминира на YouTube. Освен што спотот за неговата песна „Baby“ е најгледаниот спот на сите времиња, дури уште три негови спотови се најдоа на листата на YouTube за најгледани музички спотови оваа година.
Друга ѕвезда која најмногу привлекува внимание со своите спотови е Еминем. Неговите спотови за супер дуетот со Ријана „Love the Way You Lie“ и „Not Afraid“ се гледани повеќе од 400 милиони пати.
Од дамите, Ријана и Шакира оваа година имаа спотови кои успеаја да се искачат во првите пет најгледани. Тоа се спотовите за „Waka Waka“ и „Rude Boy“.
Сепак, Лејди Гага останува да биде кралица на YouTube и е прогласена за единствениот изведувач кој добил повеќе од милијарда клика. Оваа година две музички видеа на ексцентричната пејачка се најдоа во топ 10. Се работи за спотовите за „Alejandro“ и дуетот со Бијонсе „Telephone“.
Потсетете се уште еднаш на спотовите кои ја одбележаа годината што изминува.
