Новата сезона носи нови трендови, кои модните дизајнери ни ги најавуваат преку своите колекции. Кога станува збор за модните додатоци, меѓу најпопуларните трендови оваа есен и зима ќе бидат змиската и крокодилската кожа.
Ниту Дона Каран не го пропушти овој тренд. Нејзината најнова колекција обувки е елегантен микс на класичните модели чевли со модифицирани чевли тип „Мери Џејн“ и чизмички до под глуждовите, финиширани со сатенски, крзнени, „змиски“ или „крокодилски“ материјали.
Едноставноста вметната во секој модел обувки се протнува и кај чантите кои ја поседуваат онаа лежерна елеганција.
Ако треба да се опишат овие колекции со пет збора, тогаш тоа би биле: класична елеганција за модерната жена.
