Обожавате обувки? Не сте сами. Женската страст кон убави обувки е добро позната. Токму таа врска меѓу жените и обувките е тема на новиот документарен филм со наслов „God Save My Shoes“.
Филмот влегува во плакарите на жени како Бет Шек, која поседува 1200 пара обувки, во плакарот за обувки на модната библија Вог, во студиото на популарниот Кристијан Лобутин, а ги прикажува и размислувањата на тема „жени-обувки“ на Волтер Стајгер, Маноло Бланик и ѕвезди како Ферги, Кели Роланд и Дита вон Тис. Преку следните видеа ќе можете да фрлите поглед во фасцинантниот свет на обувките.
Во плакарот на Бет Шек
Бет Шек е професионален покер играч. Таа поседува импресивна колекција обувки за каква што сонува секоја жена. Најголем дел од нејзините обувки се резултат на талентот на Кристијан Лобутин.
Во плакарот на Вог
Кој ако не Вог? Плакарот е преполн со најразлични модели дизајнерски обувки кои чинат цело богатство.
Во студиото на Кристијан Лобутин
Лобутин е еден од најпрепознатливите дизајнери кој се прослави со волшебните обувки со црвен ѓон. Не може да се зборува за убави чевли, а да не се спомене неговото име.
