Додека пожарникарите и останатите херои се борат со огнените пламени во Калифорнија, бројни славни личности синоќа присуствуваа на доделувањето People’s Choice Awards во Санта Моника. Голем дел од ѕвездите во своите говори им се заблагодарија на сите оние кои ги жртвуваат своите животи борејќи се со пожарите во кои досега најмалку 29 лица ги загубија своите животи.
На свеченоста, „Avengers: Infinity War“ беше прогласен за Најдобар филм и Најдобар акционен филм за 2018 година, а за улогата во истиот, Скарлет Јохансон ја прими наградата за Најдобра актерка.
За Најдобра комедија беше избран филмот „The Spy Who Dumped Me“, додека наградата за Најдобра драма беше доделена на филмската екипа на „Fifty Shades Freed“.
Специјалната награда Модна икона заврши во рацете на Викторија Бекам.
Погледнете како изгледаа славните гостинки на манифестацијата и оценете го нивниот стил.
