Twilight-манијата го тресе светот. Непосредно по премиерата на долгоочекуваното продолжение од вампирската сага и по големата еуфорија која се крена за венчаницата на Бела, Алфред Анџело направи евтина верзија на фустанот која доаѓа со достапна цена.
Фустанот е со долги ракави и секси чипка на грбот, а се продава за 600 евра, па може да го има секоја невеста која сака да донесе малку вампирска романтика на својот свадбен ден.
Оригиналниот фустан на Бела во филмот е дизајниран од Каролина Ерера, која денес најави дека поради големиот интерес наредната година во своите бутици ќе продава фустани исти како оној на Бела.
Познатата дизајнерка го креирала фустанот специјално за филмот и максимално се обидувала фустанот да ѝ прилега на карактерот на Бела. „Инспирацијата во мала мера дојде од книгата и описот на книгата, магијата, моментот на свадбата и од карактерот на Бела кој е многу важен за невестински фустан. Таа е невина девојка која верува во првата љубов, па има романтика, фантазија и мистерија“ – изјавила Каролина.
