Сексот продава, па сè повеќе рекламни кампањи постигнуваат успеси поради дозата сексапил која се крие во нив. Но, кои се најсексапилните реклами за изминатава година? Американското списание Advertising Age направи анкета меѓу лица на раководни позиции во рекламната индустрија за да создаде листа на најсекси рекламни кампањи за 2011.
Рекламата на Ријана за Армани во која таа позира во долна облека на задното седиште на автомобил доби најмногу аплаузи и комплименти и се најде на првото место. „Никогаш не изгледала толку добро. Таа е во неверојатна форма и фотографиите се прекрасни“ – со овие зборови тие го објасниле својот избор.
Миранда Кер заслужено го доби второто место. Привлечниот ангел на Victoria’s Secret се врати на модните писти и зад објективот на камерите само неколку седмици по породувањето и нејзиното тело изгледаше фантастично, како никогаш да не била бремена.
Ирина Шајк ги освои симпатиите на експертите со нејзината рекламна кампања за костими за капење на „Luli Fama“ и застана трета на листата.
Кејт Мос и нејзината топлес кампања за „Liu Jo“ се најдоа на четвртото место.
Жизел Бундхен го покажа своето тело во рекламите за фирмата за долна облека „Hope“ и со тоа успеа да застане на петтото место.
Хајди Клум го доби шестото место за рекламата за промоција на нејзиното шоу „Project Runway“.
Памела Андерсон оваа година направи сензуална реклама за брендот за секси чорапи „Secrets In Lace“ и ја освои седмата позиција на листата.
Лили Олдриџ го доби осмото место, благодарение на нејзиното учество во рекламите на „Victoria’s Secret“.
Бар Рафаели го покажа својот сексапил во кампања за долна облека на брендот „Passionata“ и се најде на деветтото место.
Последното место на листата го доби Кејт Аптон за рекламата на „Jenna Leigh Lingerie“.
