На црвениот тепих на Brit Awards имаше повеќе стилски промашувања отколку стилски погодоци и сосема заслужено многу гостинки заработија негативни критики. Многумина се согласија дека ова е најлоша мода на црвениот тепих во историјата на Британските музички награди.
Дефинитивно „наградата“ за Најлош изглед треба да биде испратена на адресата на дуото Пен Хог и Седи Пин. Британската дизајнерка беше придружувана од разголената Пин, која ги шокира гледачите со вулгарниот аутфит.
Лана Дел Реј изгледаше како да се завила со цветен чаршаф, а нејзините сандали со крзно воопшто не го поправија впечатокот.
Очилата за сонце и крзнената бунда ја поставија Синита на листата на најлошо облечени.
Се чинеше како Џес Глин да излегла од диско ерата.
Бирди се покри од глава до пети во широка гулабовосива креација.
Пикси Гедолф изгледаше како да зачекорила на црвениот тепих по ноќница.
Дури и Адел, која обично избира креации кои ја прикажуваат нејзината фигура во најдобро светло, овој пат не донесе најуспешна стилска одлука. Карнерите на креацијата од Џамбатиста Вали потполно ја сокрија нејзината силуета и на чуден начин ги истакнаа нејзините гради.
Џесика Рајт и Маја Џејмс беа дискутирани поради тоа што избраа потполно ист фустан.
Оценете го стилот на гостинките.
