Ирина Шајк е една од најпознатите убавици во модната индустрија, па нејзините фанови со години се прашуваа зошто не е поканета на ревиите на Victoria’s Secret.
Годинава за првпат атрактивната Русинка ќе биде дел од спектакуларното шоу на брендот.
Иако досега нема официјално соопштение дека ќе ја видиме Шајк на пистата во Париз, има повеќе докази за нејзиното учество во шоуто.
Во ново Instagram видео на VS, неколку модели зборуваат за суеверност, а во позадина се гледа изложена долна облека и јакна со натпис „Victoria’s Secret Paris 2016“. Меѓу нив е и Ирина.
Претходно беше објавено видео од пробите на VS во кое неколку девојки споделуваа во што се облечени. И во тоа видео беше вклучена Ирина.
Исто така, пред неколку дена Шајк беше фотографирана додека излегуваше од зградата на VS, каде се одржуваат пробите за костимите.
Шоуто ќе се одржи на 30 ноември во Париз, а на ТВ ќе биде емитувано во целост на 5 декември.
