Модната индустрија се прилагодува на пандемијата и ревиите придобиваат нови формати.
Викторија Бекам ја претстави колекцијата пролет/лето 2021 со дигитална презентација од уметничката галерија „Victoria Miro“ во Лондон.
За разлика од претходните години, публиката годинава ѝ беше сведена на најтесното семејство. Дејвид со синовите Ромео и Круз и ќеркичката Харпер ѝ дадоа поддршка на 46-годишната дизајнерка.
„Колекцијата е за слободата – да истражуваш, да се дотеруваш, да бидеш себеси“ – порачува Викторија.
