Илјадници луѓе практикуваат медитерански режим на исхрана кој што вклучува консумирање на големи количества маслиново масло, риба, овошје и зеленчук и мали количини црвено месо и млечни производи.
Многумина започнале со оваа диета само затоа што голем број експерти сметаат дека таа има позитивно влијание врз здравјето, но досега тој став не беше потврден.
Медитеранска диета е толку здрава поради тоа што препорачува консумирање на маслиново масло.
Сега научниците открија дека тајната на ползите од медитеранската диета е во маслиновото масло. Тие потврдија дека консумирањето на големо количество маслиново масло ги потиснува гените кои предизвикуваат воспаление и кои можат да доведат до проблеми со здравјето, како што се срцевите заболувања.
Освен намалувањето на проблемите со срцето, било откриено дека медитеранската исхрана го намалува и ризикот од појава на дијабетес тип 2, Алцхајмерова болест, па дури и на депресија.
Воопшто нема да погрешите ако го замените сончогледовото масло со маслиново, но треба да внимавате со консумираното количество, затоа што секоја капка масло крие во себе голем број калории.
