Можеби ќе почувствувате колку брзо лета времето кога ќе дознаете дека ќерката на Еминем има 25 години.
Малото девојче, кое славниот рапер честопати го споменуваше во песните, сега е ѕвезда на Instagram со повеќе од 2,1 милиони следбеници. Хејли Скот постојано примамува нови обожаватели да ги следат нејзините стилски приказни и вели дека се обидува да создаде профил кој го претставува нејзиниот живот и кој е естетски привлечен. Нејзин сон бил да стекне популарност на социјалната мрежа за споделување фотографии.
Хејли очигледно не сака да го споменува името на татко си за да стекне слава и тој отсуствува од нејзините фотографии, но и покрај тоа голем дел од нејзините фанови добро знаат која е таа. Минатата година, Еминем изјави во интервју колку многу се гордее со ќерка си, која во 2018 година дипломираше психологија на Државниот универзитет во Мичиген. Истата година, Хејли изјави дека е многу блиска со татко си и дека постојано се гледаат.
Хејли е ќерка на Еминем, чие вистинско име е Маршал Брус Метерс, и Кимберли Ен Скот, кои двапати имаа стапено во брак. Тие се разведоа по вторпат во 2006 година, но се согласија на заедничко старателство над Хејли.
