Уште од најмала возраст, децата треба да се учат да се прифаќаат себеси онакви какви што се, и покрај тоа што изгледаат различно од другите.
Татко создаде детска книга во која херој е девојче со аномалија на раката, исто како како неговата ќеркичка Емили.
Дени Џордан вели дека „The Capables“ е инклузивна книга за група деца-суперхерои создадена со цел децата со попреченост да се гледаат себеси како ХЕРОИ во приказната.
„Секогаш ѝ кажувам на ќерка ми дека нашите разлики нè прават убави. И во светот на 'The Capables', нивните различности ги прават СУПЕР. Ја сакам идејата родители и деца ширум светот да ги имаат пред себе овие стории каде деца со попреченост се херои на приказната. Тоа е она што ме мотивираше од првиот ден – да се создаде свет кој е поинклузивен и пољубезен“ – вели Џордан.
Дени постојано ѝ повторува на ќеркичката дека е доволно силна и паметна за да се бори во овој свет.
„За сите жени-борци. Јас сум силна. Јас сум паметна. Јас сум способна. Јас сум воин“ – вели слатката Емили во видео на Instagram.
