Во Galeries Lafayette во Париз се издигна сосем нова новогодишна елка. Сред луксузниот трговски центар беше поставено лебдечко дрво кое ќе ги воодушевува и маѓепсува сите посетители за време на празничниот период.
Традицијата датира од 1976 и секоја година има различна тематика. Оваа година, елката доаѓа од „Елато - планетата на божиќните елки“. Според приказната, по празниците еклата треба да земе нешто што е типично за нашата планета и да понесе со себе во својот дом.
Согласно оваа приказна, елката е украсена во боите на планетата Земја.
Празничното волшепство во трговскиот центар е надополнето со прекрасно украсените излози на бутиците, кои ја комплетираат приказната.
