Невеста од Флорида носеше венчаница со сентиментално значење. Станува збор за истиот невестински фустан кој мајка ѝ го носела кога се венчала со татко ѝ.
Имено, Илана Карцински првпат го облекла фустанот кога имала само 3 години, а сега, 23 години подоцна, го носеше на сопствената свадба.
Таа сподели видео на Instagram и во него напиша: „Кога имав 3 години, моите родители ме натераа да го пробам невестинскиот фустан на мајка ми и го снимија тој момент. 23 години подоцна, јас го носев истиот на мојата сопствена свадба.“
Реакциите на нејзините родители кога ќе ја здогледаат во фустанот ќе ви го стоплат срцето:
Илана направила мали промени кај ракавите на фустанот.
