Не постои жена што не сака да изгледа совршено на свадбениот ден, па затоа големо внимание се посветува на изборот на невестински фустан.
Како и повеќето идни невести, Хелен Манка се двоумела при изборот на фустан, па за да не погреши, купила 18 невестински фустани. Таа дури и не успеала да ги облече сите на свадбата и се појавила „само“ во девет венчаници.
Во период од девет месеци пред свадбата, 25-годишната Хелен, која работи како модел и заработува 60 000 фунти годишно, купила венчаници со вкупен износ од 20 000 фунти.
Хелен во фустанот број 1
„Секогаш кога ќе пробав некоја венчаница, морав да ја имам. Но, кога ќе ја однесев дома и кога ќе ја споредев со другите фустани, не можев да одлучам“ – изјавила разгалената невеста.
„На крајот, знаев дека 18 се премногу и дека нема да имам време да ги облечам сите што ги купив, па помислив на различните фази од свадбата и решив дека е совршено да носам девет“ – продолжила да објаснува Хелен.
Богатите родители на Хелен платиле за големата свадба, но не ја откриваат сумата што ја потрошиле. Се знае дека само за шампањско биле потрошени 10 000 фунти.
Сопругот на Хелен, 24-годишниот Џо Глас, во моментов е на магистратура по финансии. Во врска со многуте венчаници, тој изјавил: „Многу луѓе ќе си помислат дека Хелен е луда што носеше толку многу фустани, но мене ми се допаѓа тоа што е уникатна во животот. Таа изгледаше прекрасно во секој фустан“.
Џо ја побарал Хелен за жена само неколку месеци откако се запознале и го потрошил својот студентски заем за да ѝ купи прстен од бело злато со дијамант.
Хелен заедно со нејзиниот сопруг Џо (во фустанот број 2)
Самата Хелен признала дека е разгалена невеста, но очигледно нема намера да ја скроти својата страст за венчаници.
„Наредното лето решивме да си ги обновиме заветите и тогаш планирам да носам 10 фустани“ – изјавила Хелен за DailyMail.
