Деветте бебиња на Халима Цисе од Мали го прославија својот втор роденден покрај семејството.
Единствената деветоротка во светот ги помина првите 19 месеци од својот живот во болница во Мароко и ова е првиот роденден кој го слави дома. На фотографиите од прославата, петте девојчиња се облечени во бели фустанчиња, додека четирите момчиња носеа кошули и кратки панталони.
Мајката Халима и таткото Абделкадер Арби им организираа забава на тема „Miraculous“, омилениот лик на децата.
„Знаеме дека деветорката е дар од Бога. Да се израснат деца не е лесно, дури со едно дете е тешко. Бидејќи сум од Мали, членовите од моето семејство ме поддржуваат да ги израснам децата“ – рече мајката.
Првата деветорка во светот се роди во мај 2021 година, во 30-тата недела од бременоста. Секое бебенце тежело меѓу 450 и 900 грама, па тие морале да поминат месеци во инкубатор пред да си одат дома. Сега, нивната здравствена состојба е одлична.
