Рајан Ванг има вистински талент. 5-годишното детенце, кое стана интернет сензација минатата година, уште еднаш покажа колку вешто се справува со пијаното, иако свири само година и пол.
Освен со својот талент, Рајан ќе ве освои и со својот шарм. Погледнете видео од неговото гостување во шоуто на Елен Деџенерис.
Малиот Канаѓанец се прослави откако беше објавено аматерско видео од неговите родители.
Рајан настапи во познатиот њујоршки концертен комплекс Карнеги Хол, во рамките на шоу на организацијата „American Protégé“, чија цел е охрабрување и поттикнување на развивањето на младите музичари.
