По шестчасовно породување, Американка родила бебе кое тежело 6,2 килограми. Она што ќе ве поттикне да си ги стегнете нозете е што храбрата мајка се породила природно, без царски рез, лекови или епидурална инјекција.
Кендал и нејзиниот новороден син
„Само сакавме да избегнеме непотребни процедури. Решивме да се бориме за природно породување, затоа што сакавме да се обидеме да ги намалиме шансите за царски рез“ – изјавила мајката, Кендал Стјуардсон.
Големиот Ашер Стјуардсон при породувањето бил долг 60 сантиметри. Неговата мајка успеала да се породи по само шест минути напнување.
„Навистина бевме благословени од Бог што моето тело успеа да го направи ова. Навистина помина брзо. Никој не може да се жали за шест часа породување“ – изјавила Кендал.
Се смета дека Ашер е најтешкото бебе родено кога било на територијата на Ајова по природен пат.
Ашер е второто дете на Кендал. Нејзиниот прв син се родил пред само 15 месеци и тежел 5,5 килограми. И тогаш Кендал се породила природно.
Кендал со својот сопруг и двете деца
