Светот тагува заедно со францускиот народ по терористичкиот напад во Ница, во кој згаснаа животите на 84 лица, а повеќе од 50 лица беа повредени.
Никој не остана рамнодушен на веста дека загинаа невини деца, жени и мажи додека го следеа огнометот по повод националниот празник на Франција, познат како Денот на Бастилја, откако камион удри во толпата луѓе.
Илјадници луѓе ги користат хаштаговите на Twitter #PrayForNice, #JeSuisNice и #LiberteEgaliteFraternite во чест на жртвите и за да им изразат сочувство на нивните семејства. Море од емотивни цртежи и пораки ги преплави социјалните мрежи, а фотографијата на која до телото на мало девојче има кукла е меѓу најсподелуваните денес.
„Звукот на родител кој губи дете е интернационален јазик. Денес сите крвариме, сите тагуваме и сите чувствуваме болка.“
„Ако можеш да убиеш некого, во моите очи не припаѓаш на ниту една религија.“
„Ако немаме мир, тоа е затоа што сме заборавиле дека си припаѓаме еден на друг. Мајка Тереза“
„Гледам луѓе, но не и хуманост.“
